बिशाल आवाज:गुल्मी सम्पर्क समिती दक्षिण कोरियाले कोरियन नयाँ वर्ष सलनालको अवसर पारि जनवरी २८ तारिख सौलमा “नयाँ वर्ष सांस्कृतिक साँझ तथा रात्रीभोज कार्यक्रम २०२५” आयोजना गर्ने भएको छ ।
“प्रवासमा गुल्मेली एकता, एक आपसमा सहयोगको आजको आवश्यकता” भन्ने मुल नाराका साथ कला संस्कृतिको जगेर्ना साथै आपतकालीन राहतकोषअभिवृद्धि सहयोगार्थ दक्षिण कोरियामा सक्रिय गुल्मी सम्पर्क समिती दक्षिण कोरियाले जनवरी २८ तारिख मङ्गलबारका दिन साझ ६ बजेदेखि 서울시 종로구 종로 63-8(2층파노라마) 종각역 7번 출구 स्थित होटेल फानोरामाको हलमा “नयाँ वर्ष सांस्कृतिक साँझ तथा रात्रीभोज कार्यक्रम २०२५”।
१४ प्रकारको बुफे परिकार सहित अनलिमिटेड पेय पदार्थ रहने कार्यक्रममा उपस्थिति हुनका लागि सहयोग स्वरूप ५० हजार कोरियन वन प्रवेश शुल्क तिर्नुपर्ने आयोजक संस्थाका अध्यक्ष जीवन न्यौपानेले विशाल आवाजलाई बताउनुभएको छ।
लुम्बिनी प्रदेश समाज दक्षिण कोरियाको समन्वयमा हुने कार्यक्रममा गुल्मी मुसिकोट नौमती पन्चेबाजा समूह जापानको विशेष सांस्कृतिक कार्यक्रम साथै लोकदोहोरी प्रतिस्ठानका कलाकार र वाध्यबाधक हरुको साथमा स्थानीय बिभिन्न कलाकार हरुको धमकेदार प्रस्तुती रहनेछ।
सलनालको अवसर पारि जनवरी २८ तारिक सौलमा आयोजना हुन गइरहेको कार्यक्रममा कोरियामा रहनु भएका तमाम नेपाली दाजुभाई तथा दिदिबहिनीहरुमा आयोजकले निमन्त्रणा समेत गरेको छ।
