बागमती प्रदेश एकता समाज दक्षिण कोरियाको चौथो अधिवेशन डिसेम्बर २९ मा कोरियाको राजधानी दोङ्गदेमुन स्थित नेपाली थाई रेष्टुरेण्टको सभाहलमा हुने भएको छ।
“देश विकासमा हाम्रो योगदान एकताको सूत्रमा सम्बृद्धिको उठान” भन्ने मूल नाराका साथ बागमती प्रदेशका १३ जिल्लाहरूलाई समेटेर सन् २०१८ मा स्थापित सामाजिक संस्था बागमती प्रदेश एकता समाज दक्षिण कोरियाको कार्यसमितिमा अहिले ११ जिल्लाका प्रतिनिधिहरु समावेश रहेको छ।
बागमती प्रदेश एकता समाज स्थापनाकालदेखि नै कोरियामा विभिन्न पेशा तथा व्यवसायमा आबद्द बागमती प्रदेशवासीहरू बीच आपसी सहयोग, समझदारी, सद्भाव र भाइचारा अभिबृद्दि गर्दै कोरिया स्थित बागमती प्रदेश अन्तर्गत पर्ने विभिन्न जिल्लागत संस्थाहरु बीचको सहकार्य, सह-अस्तित्व र समन्वय मार्फत जिल्लागत संस्थाहरुको गतिविधिहरुलाई थप व्यवस्थित प्रभावकारी पारदर्शि मितब्ययिता र एकरुपता बनाउदै आएको छ।
यही आउँदो डिसेम्बर २९ तारिख आइतबारका दिन दोङ्गदेमुन स्थित नेपाली थाई रेष्टुरेण्टको सभाहलमा हुने बागमती प्रदेश एकता समाज दक्षिण कोरियाको चौथो अधिवेशनलाई सभ्य र भव्यताका साथमा सम्पन्न पार्नका लागि दक्षिण कोरियाबासी सम्पूर्ण नेपालीहरूमा आयोजकले हार्दिक निमन्त्रणा समेत गरेको छ ।
