म्याग्दी प्रवासी नेपाली सङ्घ (मोना) कोरियाको आयोजनामा सेप्टेम्बर १ तारिकका दिन सुवनको आजु युनिभर्सिटी मा आयोजना हुन लागेको प्रतिस्पर्धात्मक पुरुष भलिबल प्रतियोगिता “सातौँ म्याग्दी कप२०२४ ” को सम्पूर्ण तयारी पूरा भई प्रतियोगिताको टाइसिट समेत सार्वजनिक भइसकेको छ।
“युवाहरूको मेल-स्वास्थ्य र खेल” भन्ने नारा सहित भलिबल खेलको साझा संस्था नेपाल कोरिया भलिबल संघको मातहतमा रहने गरी सो प्रतिस्पर्धात्मक पुरुष भलिबल प्रतियोगिता सुवन स्थित आजु युनिभर्सिटी को भलिबल स्टेडियममा आइतबार बिहान ८ बजेबाट आयोजना हुँदैछ।
दक्षिण कोरियामा भलिबल प्रतियोगिताको शुरुवात गर्ने संस्था म्याग्दी प्रवासी नेपाली संघ मोना कोरियाको आयोजनामा हुने प्रतियोगिताको सम्पूर्ण तयारी पुरा भइ टाइसिट समेत सार्वजनिक भएको छ । सार्वजनिक भएको टाइसिट अनुसार कोरियाको इतिहासमै सर्वाधिक धेरै अर्थात् ३० टिम सहभागी भएका छन् ।
प्रतियोगिताको टाइसिट निम्नानुसार छ कार्यक्रम निर्धारित समयमा सुरु गर्नुपर्ने हुनाले सम्पुर्ण टिमलाई तोकिएको समयमा उपस्थितका लागि आयोजकले अनुरोध समेत गरेको छ।
प्रतियोगितामा विजेता टिम र उपविजेता टिमलाई आकर्षक ट्रफी, मेडल र प्रमाण पत्र सहित क्रमशः २० लाख र १२ लाख कोरियन वोन प्रदान गरिने र सान्त्वना स्थान प्राप्त टिमले ४/४ लाख कोरियन वोन सहित मेडल र प्रमाण पत्र प्रदान गरिने साथै अन्य विधातर्फ खेल अवधिभरको उत्कृष्ट खेलाडीले १ लाख कोरियन वोन सहित ट्रफी र प्रमाण पत्र साथै उत्कृष्ट स्पाईकर, उत्कृष्ट लिबेरो, उत्कृष्ट सेटर र उत्कृष्ट ब्लकरले जनही ५० हजार कोरियन वोन सहित मेडल र प्रमाण पत्र प्रदान गरिनेछ।
म्याग्दी प्रवासी नेपाली सङ्घ (मोना) कोरियाको आयोजनामा हुने प्रतिस्पर्धात्मक पुरुष भलिबल प्रतियोगिता “सातौँ म्याग्दी कप२०२४ ” को प्रतियोगिता स्थलमा स्वादिष्ट नेपाली परिकारहरुको व्यवस्था समेत गरिएको सुवन स्थित भेटघाट रेस्टुरेन्टका सञ्चालक नारायण पौडेलले बताएका छन्।
“सातौँ म्याग्दी कप२०२४ ” मा कोरिया मा रहेका बिभिन्न संघ संस्था का प्रतिनिधि, भलिबल खेल प्रेमी खेलाडी, दर्शक हरू लगायत दक्षिण कोरिया बासि नेपाली सम्पुर्ण जनसमुदायलाई प्रतियोगितामा प्रत्यक्ष उपस्थित जनाएर प्रतियोगिता लाइ सभ्य र भब्य रुपमा सफल पार्नको लागि आयोजकले हार्दिक अनुरोध गरेको छ।
