विशाल आवाज: यही आउँदो कोरियन महान चाड छुसकको अवसर पारि सुदुरपश्चिम बुसान सांगीतिक धमाका-२०२४ आयोजना हुने भएको छ। सेप्टेम्बर १६ तारिखका दिन बुसान स्थित Eunseok cultural & welfare center मा सुदूरपश्चिम समाज बुसान दक्षिण कोरियाको आयोजनामा हुने कार्यक्रमको तयारी तीव्र पारिएको अध्यक्ष देवराज बडुले विशाल आवाजलाई जानकारी दिनुभएको छ।
“दुर्गम क्षेत्रका अनाथ बालबालिकाको शैक्षिक क्षेत्रमा सहयोगार्थ” आयोजना हुन लागेको सुदूरपश्चिम बुसान सांगीतिक धमाका-२०२४ मा पछिल्लो समय युवा पुस्ताको मन जित्न सफल लोकप्रिय राष्ट्रिय कलाकारहरू गायिका अस्मिता अधिकारी,गायिका तथा मोडल प्रीति आले, गायक रमेशराज भट्टराई र गायक चक्र बमले धमाकेदार प्रस्तुति दिने भएका छन्।
कार्यक्रममा नेपालका चर्चित कलाकार लगायत सुदुर पश्चिमको चर्चित डेउडा कलाकारलाई आमन्त्रित गरि यसपालिको छुसक बुसान धमाका भब्य वनाउन गइरहेको कार्यक्रमको संयोजक संस्थाका सल्लाहाकार तेजेन्द्र (उल्सान) सिंह लाई सुम्पिएको छ। दक्षिण कोरीयाको ख्यङसान बुसान क्षेत्रको पुरानो बिगत लामो समय देखी विभिन्न सामाजिक काममा अग्रसर रहँदै आएको सुदुरपश्चिम समाज बुसानले ख्यङसान बुसान क्षेत्रमा रहेको सम्पूर्ण सामाजिक संस्थाहरूको सहकार्यमा कोरीयाको दोस्रो ठूलो सहर बुसानको किम्हेमा आउदो सेप्टेम्बर १४ तारिख सोमवारका दिन वृहत संस्कृतिक धमका कार्यक्रम गर्ने भएको हो।
साथै यसपालिको बुसान छुसक धमाका कार्यक्रम सफल वनाउन यस क्षेत्रका सम्पूर्ण जातिय क्षत्रिय संघ संस्था र समस्त नेपाली दाजुलाई दिदिवहिनीहरूलाई हातेमालो गरिदिन हुन पनि आयोजकले आव्हान समेत गरेको छ ।
