विशाल आवाज: नुवाकोट समाज दक्षिण कोरियाले अगस्ट ३ र ४ तारिखका दिन 경기 양평군 서종면 중미산로 941-2 मा आयोजना गरेको बृहत वनभोज तथा भेटघाट कार्यक्रमको आयव्यय सार्वजनिक गरेको छ। समाजले आफ्नो आधिकारिक सामाजिक सञ्जाल मार्फत आयव्यय प्रस्तुत गर्दै करिब २३ लाख वन (२२,९४,४००) वन मुनाफा गरेको बताएका छन्।
“सामाजिक एकता र समृद्ध नुवाकोट-हाम्रो अठोट” भन्ने मूल नाराका साथ दक्षिण कोरियामा सक्रिय नुवाकोट समाज दक्षिण कोरियाले अगस्ट ३ र ४ तारिख शनिबार र आइतबारका दिन THE FOREST GALLERY मा दुई दिने बृहत वनभोज तथा भेटघाट कार्यक्रम २०२४ आयोजना गरेको थियो। विभिन्न नेपाली परिकार ,मनोरञ्जनात्मक कार्यक्रम, आरामदायी बासको सम्पूर्ण व्यवस्थासहितको पिकनिक कार्यक्रममा सहभागि बाट १ करोड २ लाख १ हजार वन सङ्कलन भएको थियो भने स्पोन्सरहरूबाट ४९१,४०० वन गरि जम्मा १ करोड ६ लाख ९२ हजार ४ सय वन वन आम्दानी भएको आम्दानी खर्च विवरणमा बताइएको छ। यसैगरि विभिन्न शिर्षक हरुमा जम्मा खर्च ८३ लाख ९८ हजार वन भइ २२ लाख ९४ हजार ४ सय वन मुनाफा भएको जनाइएको छ।
नुवाकोट समाज दक्षिण कोरियाद्वारा आयोजना गरिएको पिकनिक कार्यक्रम सभ्य अनि भब्य तरिकाले सम्पन्न गराउन सहभागी सम्पुर्ण कोरियाबासी नेपाली दाजुभाई तथा दिदीबहिनी, पत्रकार, समाजसेवी, ब्यापारी लगाएत बागमती प्रदेश एकता समाज तथा बागमती प्रदेश अन्तर्गतका सम्पुर्ण जिल्लाका संस्था प्रति आयोजकले धन्यवाद समेत व्यक्त गरेको छ। काम गर्दै गर्दा केहि कमि कम्जोरी भएमा माफि माग्दै आगामि दिनहरूमा पनि यस्तै साथ सहयोगको लागि अपेक्षा राखि सहकार्यको लागि नुवाकोट समाज परिवार सदैब तयार रहेको संस्थाका अध्यक्ष बीबी स्याङ्तानले बताएका छन्।
