बोम्जन गुरुङःकोरिया स्थित नेपाली परोपकार समाज (NPS) एफसीले आउँदो सेप्टेम्बर १७ तारिक “दोश्रो एनपीएस फूटबल प्रतियोगिता २०२४” आयोजना गर्ने भएको छ ।
“प्रवासी एकता हाम्रो प्रतिबद्धता, स्वास्थ्यको लागी खेल अनिवार्य आवश्यकता” भन्ने नारा सहित कोरियन पर्व छुसकको अवसर पारेर खेलको मनोरञ्जनसँगै नेपालीहरु विचको आत्मियता र बन्धुत्वको भावना अभिबृद्धिमा टेवा उद्धेश्यले थेगु सहरको नजिकै खेलमैदान (경북 고령군 대가야읍 회천로 90) मा उक्त प्रतियोगिता आयोजना गरिएको संस्थाका अध्यक्ष अजित सापकोटाले बताए ।
प्रतियोगितामा विजेता टिम र उपविजेता टिमलाई आकर्षक ट्रफी, मेडल र प्रमाण पत्र सहित क्रमशः ४० लाख र २० लाख कोरियन वोन प्रदान गरिने प्रदान गरिने बताउँदै अन्य विधातर्फ खेल अवधिभरको उत्कृष्ट खेलाडी, सर्वाधिक गोलकर्ता, उत्कृष्ट मिडफिल्डर, उत्कृष्ट डिफेन्डर, उत्कृष्ट गोलकिपरलाई जनही १ लाख कोरियन वोन सहित ट्रफी र प्रमाण पत्र प्रदान गरिने समाजका खेल संयोजक विधान राईले जानकारी दिए ।
समाजले स्थापनाकाल देखि हरेक परोपकारी कार्यमा आफ्नो उपस्थिति देखाउँदै अन्य संघसंस्थाहरुसँग निरन्तर सहकार्य र हातेमालो गरिरहेको सन्दर्भ उल्लेख गर्दै प्रतियोगिता सफल बनाउन मनकारी व्यक्ति र संस्थाहरुको सहयोग प्राप्त भईरहेको र अन्य शुभचिन्तकहरुबाट सहयोगको अपेक्षा रहेको संस्थाका सचिव महेन्द्र भट्टराईले स्पष्ट पारे ।
नेपाली परोपकार समाज (NPS) थेगुद्धारा सेप्टेम्बर ८ तारिकसम्म टीम दर्ता गर्न सकिने र टीम दर्ता शुल्क ४ लाख कोरियन वोन कायम गरिएको उक्त दोश्रो एनपीएस फूटबल प्रतियोगिता २०२४” को प्रतियोगिता स्थलमा स्वादिष्ट नेपाली परिकारहरुको व्यवस्था समेत गरिएको समाजले जनाएको छ ।
