विशाल आवाज: किरात याक्थुङ चुम्लुङ दक्षिण कोरियाको प्रस्तुतिमा सेप्टेम्बर १६ तारिख बेलुकि ८ बजेबाट हुने याक्थुम रैथाने मेलोडी नाइटमा अहिलेको युवा पुस्ताको चर्चित गायक छेवाङ लामा देखि लाइभ डिजेले माहोल तताउने भएको छ।
चुम्लुङ हिम/सेल्टर व्यवस्थापन सहयोगार्थ कोरियाको मुख्य चाड छुसक को अवसर पारि किरात याक्थुङ चुम्लुङ दक्षिण कोरियाले सेप्टेम्बर १६ तारिख छेवाङ लामा सहित विभिन्न कलाकारहरूको साथमा 서울시 중구 퇴계로 217 충무로 4가 (진양상가 2 층) Seoul metro lino no.4 충무로역 Exit 8 सौलमा “याक्थुम रैथाने मेलोडी नाइट” आयोजना गर्ने भएको हो।
कि.या.चु दक्षिण कोरियाले सन २००८ देखि कोरियामा काम छोडेर बेरोजगारी रहुन्जेल सम्म बस्नकोलागी चुम्लुङ हिम/शेल्टर निरन्तर रुपमा सन्चालन गर्दै हजारौं(पुर्व मेची देखि पश्चिम महाकाली सम्म) नेपाली लाई सहयोग गर्दै आइरहेको छ । यहि शेल्टर लाई निरन्तरता दिन हरेक महिनाको शेल्टरको अपुग खर्च चुम्लुङ्ले ब्यहोर्दै आइरहेको र अब यसलाइ थप ब्यवस्थित गर्न कार्यक्रम आयोजना गरिएको अध्यक्ष दीर्ज काङबा लिम्बुले विशाल आवाजलाई जानकारी दिनुभयो।
छुसकको अवसर पारेर याक्थुङ कलाकार हरुको याक्थुङ रैथाने संगीत हरु पालाम,हाक्पारे,ख्याली,केलाङ को साथमा छेवाङ लामाको सुमधुर संगीत देखि नयाँ पुस्तालाई डिजे छिरिङको डान्सिङ नम्बरले सेप्टेम्बर १६ तारिख लाई उज्यालो पार्न पृथक किसिमको कार्यक्रम “याक्थुङ रैथाने मेलोडी साँझ” को आयोजना गर्न लागेको आयोजकले जनाएको छ।
रैथाने संगीत देखि आधुनिक संगीतको साथमा रैथाने याक्थुङ/ लिम्बू परिकार याङ्बेन,वाम्युक/ तिते र सर्गेम्बा सम्मको स्वाद चखाएर उपस्थित दर्शकको मन जित्ने गरि तयारी गरेको कार्यक्रममा कोरियामा रहनु हुने सम्पूर्ण नेपाली लाई यो पृथक ( रैथाने फ्युजन)कार्यक्रममा उपस्थित भइ हाम्रो उद्धेश्यको साथ/सहारा बनिदिनहुन आयोजकले हार्दिक निमन्त्रणा समेत गरेको छ।
