बिशाल आवाज : पूर्वाञ्चल सरोकार समाज दक्षिण कोरियाले जुलाई २८ मा दोङ्देमुनमा कार्यक्रमको पोष्टर सार्वजनिक तथा समाजको बार्षिक साधारण सभा कार्यक्रम आयोजना गर्ने भएको छ ।
“हाम्रो भाषा, धर्म र संस्कृतिमा विविधता प्रवासमा रहेका नेपालीहरूमा एकता” भन्ने मूल नारा लिएर सन् २०१४ मा पूर्वाञ्चल सरोकार समाज दक्षिण कोरिया स्थापना भएको थियो । समाजले जुलाई २८ तारिक आईतवार दोङदेमुनमा रहेको आफ्नो कार्यालयको हलमा विहान १०ः३० बजे कोरियन पर्व छुसकको अवसरमा पुर्वाञ्चल सरोकार समाज आबद्ध संस्थाहरू द्वारा आयोजना गरिएका साँस्कृतिक तथा डान्स पार्टी कार्यक्रमको पोष्टर सार्वजनिक तथा मध्यान्ह १२:००बजे समाजको बार्षिक साधारण सभा कार्यक्रम आयोजना गर्ने भएको हो ।
समाजमा पूर्वका १४ जिल्ला र २ जातिय संस्था गरि कूल १६ वटा सक्रिय संघसंस्थाहरू आबद्द रहेका छन्। समाजको साधारण सभामा विशेषगरि सांगठनिक प्रतिवेदन, आर्थिक प्रदिवेदन र भावि कार्ययोजनाहरु प्रस्तुत हुने अध्यक्ष गजेन्द्र सेर्माले बिशाल आवाज लाई जानकारी गराएका छन्।
जुलाई २८ मा आयोजना हुने पूर्वाञ्चल सरोकार समाज दक्षिण कोरियाको पोष्टर सार्वजनिक तथा बार्षिक साधारण सभा कार्यक्रममा पूर्वाञ्चल एवम कोरिया बासि नेपालीलाई उपस्थितिको लागि महासचिब केदार निरौला मार्फत आयोजकले हार्दिक निमन्त्रणा समेत गरेको छ ।
