बिशाल आवाज :शेर्पा संघ दक्षिण कोरियाको आयोजनामा यही आउदो कोरियाली चाड छुसकको अबसरमा सेप्टेम्बर १७ तारिख सऊलमा हुन लागेको “हिमालयन सांगीतिक धमाका २०२४” कार्यक्रमको तयारी तीब्र पारिएको छ ।
विपत व्यवस्थापन तथा आपतकालीन राहत कोष स्थापनार्थ शेर्पा संघ दक्षिण कोरियाले दक्षिण कोरियाको राजधानी सऊलमा २०२४ सेप्टेम्बर १७ तारिख मङ्गलबारका दिन आयोजना गर्नलागेको “हिमालयन सांगीतिक धमाका २०२४” कार्यक्रमको तयारी तीब्र पारिएको हो ।
आदिबासी जनजाति महासंघ दक्षिण कोरिया अन्तर्गत सबै जातिय संस्थाहरुको सहकार्यमा गर्न लागेको कार्यक्रमलाई सफल बनाउन संस्थाको कार्यासमिति तथा सल्लाहकारहरूको भेलाले सल्लाहकार सोनाम शेर्पालाई कार्यक्रम संयोजक, सल्लाहकार पासाङ शेर्पालाई आर्थिक संयोजक र सल्लाहकार गेल्छिरी शेर्पालाई प्रचारप्रसार संयोजक चयन गरि जिम्मेवारी बाँडफाँड गरेको छ।
नेपालबाट आमन्त्रित बहुचर्चित राष्ट्रिय कलाकारहरूको साथमा दक्षिण कोरियामा रहेको नेपाली स्थानीय कलाकारहरूको प्रस्तुति रहने कार्यक्रमको तयारी तीब्र पारेको र केही समयमानै कलाकारहरु सहितको पोस्टर सार्वजनिक गर्ने तयारी रहेको कार्यक्रम संयोजक सोनाम शेर्पाले बिशाल आवाज लाई जानकारी दिनुभएको छ ।
