दक्षिण कोरियामा रहेर पनि आफ्नो व्यस्त समयलाई सदुपयोग गर्दै गौतम गोलेले ‘म्राङ्सेम खाबा’ पछि आफ्नो दोस्रो सांगीतिक कोशली ‘छ्योर्तेन राम्रो’ को म्युजिक भिडियो सार्वजनिक गरेको छ।
गौतम गोले र मिनु मोक्तानको अभिनयमा रहेको सेलो साङ्गीतिक कोसेली ‘छ्योर्तेन राम्रो’ शनिवार गौतम गोलेको आफ्नै आधिकारिक युट्युब च्यानलबाट म्युजिक भिडियो सार्वजनिक भएको हो । गायक मिलन दोङको स्वर तथा सङ्गीत रहेको गीतको शब्द तथा लेखन अन्जय तामाङको रहेको छ। रोशन लामाले एरेन्ज गरेको गीतको मिक्सिङ मास्टरिङ दिपेश प्रधानले (Deep studio) गरेका हुन् भने गीतको रेकर्डिङ bubblegum Korea र Deep studio nepal Baudha मा गरेको हो।
भिडियो एउटा परदेशमा कामको छुट्टीमा पार्क र सहर, बजारमा घुमघाममा मैच्याङहरु भेटेपछिको कथावस्तुमा आधारित बनाएको छ । मैच्याङ (मिनु मोक्तान) लाई भेटेपछि एकतर्फी एक नजरमै प्रेममा परेको पहिलो भेटमै प्रेमको प्रस्ताव गर्दा उनीले अस्वीकार गरेपछि च्याङ्बा (गौतम गोले) निराशपनको अवस्थामा देख्न सकिन्छ । यति मात्रै होइन, भिडियो कथामा सच्चा मायाले प्रस्ताव गरेको थाहा भएपछि मैच्याङले स्वीकार गर्छिन् र दुवै जनाले सुख, दुःखसँगै बिताउने प्रण गर्छन् ।
‘छ्योर्तेन राम्रो’ गीतको म्युजिक भिडियोलाई निर्देशन, छायाङ्कन र सम्पादन दिपक थापाले गरेको हुन् । छायाङ्कनमा निमा तामाङ र अमिर योन्जनले साथ दिएका छन् । सेलो म्युजिक भिडियो क्षेत्रका निर्देशक प्रतिक ङ्यासुरले कथा लेखन गरेको म्युजिक भिडियोमा सूर्य लामा, करप रुम्बा, अमिर योन्जन, बिनु मोक्तान र पुजा श्रेष्ठलगायतको सहयोगी भूमिकामा अभिनय देख्न सकिन्छ । स्टिल मुभी फोटोग्राफर सन्तोष जिसी रहेको भिडियोमा मेकअप आर्टिस्टको रूपमा बिनु मोक्तानले साथ दिएको छ ।साउण्ड मा गजब सिंह लामाले साथ दिएको भिडियो निर्माणको व्यवस्थापन ज्ञान लामाले गरेका थिए।
दक्षिण कोरियाको पर्यटकीय क्षेत्र वाउजङ्सा बौद्ध गुम्बा वरपर र फेन्तेकको समुन्द्र किनारको टाइटनिक बोर्ड लगायत रमणीय स्थानहरूमा छायाङ्कन गरेको म्युजिक भिडियो सार्वजनिक भएको छोटो समयमा नै लोकप्रिय हुन गइसकेको छ।
