विशाल आवाज: इलामेली समाज दक्षिण कोरियाको दोङ्देमुनमा रहेको पूर्वाञ्चल समाजको सभाहलमा सम्पन्न पाँचौ अधिवेशन बाट सुबास चेम्जोङको नेतृत्वमा १९ जना कार्यसमिति चयन भएको छ।
“सूर्योदय र हरियाली इलामेलीको पहिचान, पर्यटन प्रवर्द्धन र समाज सेवा हाम्रो अभियान” भन्ने मुल नारा लिएर सन् २०१४ मा स्थापित इलामेली समाज दक्षिण कोरियाको ऐतिहासिक पाँचौ अधिवेशन दोङ्देमुनमा रहेको पूर्वाञ्चल सामाजको सभा हलमा सम्पन्न भएको थियो। नेपाली राजदुतावास सौलका कार्यवाहक राजदूत पुष्पराज भट्टराईको प्रमुख आतिथ्यता तथा छाता संस्था पूर्वाञ्चल सरोकार समाज, एनआरएनए दक्षिण कोरिया, एनसिसी दक्षिण कोरिया लगायत दक्षिण कोरियामा रहेका विभिन्न संघसंस्थाका अध्यक्ष लगायत प्रतिनिधि हरूको विशेष आतिथ्यतामा सम्पन्न अधिवेशनमा दक्षिण कोरियामा रहेका विभिन्न सामाजिक व्यक्ति लगायतका इलामका व्यक्तिहरूको बाक्लो उपस्थिति रहेको थियो।
केदार निरौलाको अध्यक्षतामा बनेको निर्वाचन मण्डली बाट सुवास चेम्जोङको नेतृत्वमा १९ जना कार्यसमिति सर्वसम्मत चयन गरेको हो। नयाँ कार्यसमितिको वरिष्ठ उपाध्यक्षमा भिम बिराज शंकर, उपाध्यक्षमा मदन चापागाई,गणेस तामाङ,रमेस बस्नेत, महासचिवमा डिल्ली हॉंङसरुम्बा, सचिवमा डि बी योङहॉंङ, कोषाध्यक्षमा भुवन थुलुङ, सह कोषअध्यक्षमा राधा घिमिरे र यसैगरी सदस्य हरुमा खाओत हॉंङ नेम्बाङ, सागर नारायण जोसी, यामु राई , बिनोद जबेगु, हेमन्त बस्नेत, जीवन राई , सनम राई, सन्तोष राई, मनि राम राई ,गंगा थेबे चयन भएका छन् ।
