विशाल श्रेष्ठ/दक्षिण कोरिया: प्रदेशमा पनि खेल विकास अनि नेपालीहरूबीच आत्मियता बढाउने सोचले याङ्सानमा याङ्सान नेपाली परिवार र याङ्सान एनएफसिको आयोजनामा इन्टर ख्यङनाम फ्रेण्डलि फुटसल टुर्नामेन्ट २०२४ सम्पन्न भएको छ।
प्रतियोगितामा विजेता टिम YAANGSAN NFC BLUE र उपविजेता SANGAM FC ले आकर्षक ट्रफी, मेडल र प्रमाण पत्र सहित क्रमशः १० लाख र ५ लाख कोरियन वोन प्राप्त गरेका थिए भने सेकेन्ड रनरअप हुने SACHEON NFC ले मेडल र ट्रफि सहित २ लाख वन प्राप्त गरे।साथै र अन्य विधातर्फ खेल अवधिभरको उत्कृष्ट खेलाडी YAANGSAN NFC का नितेश नेमवाङ, उत्कृष्ट गोलकिपर YAANGSAN NFC कै समिर थिङ , हाइगोल स्कोरर SACHEON NFC का ब्रजेश मगर ले जनही ५०/५० हजार कोरियन वोन सहित ट्रफी र प्रमाण पत्र प्राप्त गर्न सफल भएका थिए।
जम्मा १६ टिम सहभागि टुर्नामेन्टमा “A” पोल र “B” पोल गरी हार्नेले पनि एक पटक मौका पाउने गरि खेलाइनुका साथै टुर्नामेन्टमा सहभागिता जनाउने सम्पूर्ण टिमहरूलाई निःशुल्क खाजा पानीहरूको समेत व्यवस्था गरेको थियो।
याङ्सान नेपाली परिवार र याङ्सान एनएफसिले आयोजना गरिएको उक्त प्रतियोगितामा उपस्थित सम्पूर्ण ख्यङनाममा रहेका सम्पुर्ण फुटसल क्लबहरु लगायत खेलाडी सम्पूर्णमा आयोजकले धन्यवाद समेत व्यक्त गरेको छ।
