मिर्याङ्ग नेपाली समाजको वार्षिक साधारण सभा तथा आठौं अधिवेशन अप्रिल १६ मा हुने
बोम्जन गुरुङ/दक्षिण कोरिया;मिर्याङ्गमा कार्यरत नेपालीहरुको साझा संस्था मिर्याङ्ग नेपाली समाज दक्षिण कोरियाको वार्षिक साधारण सभा तथा आठौ अधिवेशन यही आउँदो अप्रिल १६ तारिक आइतबार हुने भएको छ । अधिवेशन मिर्याङ्ग स्थित रोटरी क्लबको हलमा दिउँसो १२ बजे देखि सुरु हुनेछ ।
“सबै जातजाति विचको एकता, जवाफदेही र पारदर्शी समाज निर्माण हाम्रो प्रतिबद्धता ” भन्ने नाराको साथ ७ बर्ष अगाडि स्थापना भएको हो । संस्थाले स्थापना कालदेखी नै दक्षिण कोरिया र नेपालमा अप्ठ्यारोमा परेका नेपाली दाजुभाई तथा दिदीबहिनीहरुलाई साथ र सहयोग गर्नुको साथै मनोरञ्जनात्मक कार्यक्रमहरु आयोजना गर्दै आइरहेको छ ।
दक्षिण कोरियामा यस संस्थालाई छेजुदो भ्रमण गराउने संस्थाको नामले चिनिन्छ । गत वर्ष संस्थाको आयोजनामा २ सय जनाभन्दा बढी नेपालीहरुले छेजु टापु भ्रमण गरेको थियो । आठौं अधिवेशन पश्चात् यस बर्षको छेजुदो भ्रमण तयारीमा जुट्ने वरिष्ठ उपाध्यक्ष टंक रिजालले जानकारी दिए ।
वार्षिक साधारण सभा तथा आठौं अधिवेशनमा विभिन्न पेशा, व्यवसायमा आबद्ध सम्पूर्ण मिर्याङ्गवासी दाजुभाई तथा दिदीबहिनीहरुलाई सहभागिताको लागि संस्थाको अध्यक्ष मिलन तामाङले हार्दिक निमन्त्रणा गरेका छन् ।
