कोरियामा बसोबास गर्दै आएका तमू समुदायको साझा संस्था तमू धीं दक्षिण कोरिया ले तमूहरूको महान चाड तथा नेपाली राष्ट्रिय पर्व तमू ल्होसार २०२६ जनवरी ४ तारिक सौलमा भव्य रूपमा मनाउने भएको छ। सन् १९९९ मा स्थापना भएको संस्थाले कोरियामा रहेका तमू समुदायलाई आइपर्ने विविध समस्या समाधान, तमू भाषा, लिपी, भेष–भूषा, धर्म–संस्कार र संस्कृतिको संरक्षण तथा आपसी एकता र सद्भाव अभिवृद्धि गर्दै आएको छ।
यस वर्षको ल्होसार कार्यक्रममा सप्री ल्हो (सर्प वर्ग) को विदाई र त ल्हो (घोडा वर्ग) को स्वागत गर्दै तमू समुदायको मौलिक परिकारसहित स्योंकै (दिवा भोज), रिपा लगाएर स्याई–स्याई, शुभकामना आदान–प्रदान तथा स्थानीय कलाकारहरूको सहभागितामा विविध सांस्कृतिक कार्यक्रम प्रस्तुत गरिने आयोजकले जनाएको छ। केन्द्रमा आयोजना हुने यस कार्यक्रमलाई अझ भव्य र सांस्कृतिक रूपमा सम्पन्न बनाइने तयारी गरिएको छ।
“तमू (सप्री) ल्होसार २०२६” कार्यक्रममा कोरियाबासी तमू समुदाय मात्र नभई सम्पूर्ण नेपाली दाजुभाइ तथा दिदीबहिनीहरूलाई गरिमामय उपस्थितिका लागि हार्दिक निमन्त्रणा गरिएको छ।
कार्यक्रम विवरण:
• मिति: जनवरी ४, २०२६
• स्थान: सउल, दक्षिण कोरिया
• ठेगाना: 서울특별시 중구 을지로6가 17-2, Hotelskypark Kingstown Dongdaemun, 14th Floor
(Doota Mall Paxadiko Hyundai Outlet Building)
