विशाल आवाज: नवलपुर समाज दक्षिण कोरियाले छुसकको अवसर पारि सेप्टेम्बर १६/ १७ तारिख वनभोज तथा रमाइलो साँझ आयोजना गर्ने भएको छ।
दक्षिण कोरियामा रहेको लोकदोहोरी कलाकारहरूको बेजोड संस्कृति प्रस्तुति सहित नवलपुर समाजले सेप्टेम्बर १६ तारिख साँझ ५:३० बजेदेखि १७ तारिख आइतबार मध्यान्न १२ बजेसम्म 광북구 삼양로 181길 206(소귀골백운산장) मा कार्यक्रम आयोजना गर्नेभएको हो। ट्रेन लाइन नम्बर १ बाट 신설동역 बाट SUIN LINE चढेर 북한산 우이역 ओर्लेर एक नम्बर गेटबाट निस्की पैदल १० मिनेट (१किलोमिटर) अगाडि हुने कार्यक्रममा विभिन्न नेपाली परिकारको स्वाद संगै मनोरञ्जनात्मक सांस्कृतिक कार्यक्रमको मज्जा लिइ पारिवारिक माहोलको साथमा रमाइलो गर्न सक्ने अध्यक्ष हरि कँडेलले विशाल आवाजलाई बताउनुभएको छ। कार्यक्रममा सहभागिता जनाउनका लागि पुरुषको लागि ९० हजार वन, महिलाको लागि ७० हजार वन र जोडीको लागि १५०००० वन प्रवेश शुल्क तोकिएको छ।
कार्यक्रम सफल पार्नका लागि दक्षिण कोरियाको विभिन्न क्षेत्रमा रहनुहुने सम्पूर्ण दाजुभाई तथा दिदीबहिनी लगायत बुद्धिजीवी, समाजसेवी, व्यवसायी, विद्यार्थी पत्रकार एवं सम्पूर्ण संघसंस्थाका अध्यक्ष तथा प्रतिनिधिहरू लगायत दक्षिण कोरियावासी सम्पूर्णमा उपस्थितिको लागि आयोजकले हार्दिक अनुरोध समेत गरेको छ।
