नेपालमा रहेको विभिन्न संवैधानिक निकायहरू तथा सङ्घसंस्थाहरूमा त राजनीतिक भागबण्डा हुने कुरा सुन्दै र देख्दै आइरहेका हौँ त्यस्तै घटनाक्रम देखिएको छ पछिल्लो समय दक्षिण कोरियामा रहेको एनआरएनए कोरियामा पनि।
तीन ठुला दलको भागमा प्रबक्ता सहित मनोनित सदस्य पर्दा रास्वपा लगायत अन्य दलको हात खाली
नेपालको राष्ट्रिय तीन ठूला दलहरू नेपाली कांग्रेस, नेकपा एमाले र नेकपा माओवादी केन्द्रका १/१ जना गरि ३ जना नवौ कार्यसमितिको मनोनित सदस्यहरूमा चयन भई एनआरएनए कोरियामा पनि राजनितिक भागबण्डा भएको हो। नेपाली कांग्रेस बाट नेपाली जनसम्पर्क समिति दक्षिण कोरियाका सभापति समेत भइसकेका नेपाली कांग्रेस महासमिति सदस्य नवराज सिवाकोटी, नेकपा एमाले बाट प्रवासी नेपाली मञ्च दक्षिण कोरियाको सल्लाहकार समेत रहेका दीपक क्षेत्री (केसी)र नेकपा माओवादी केन्द्र बाट नेपाली जनप्रगतिशील मञ्च कोरिया छनान फेन्थेकका अध्यक्ष तथा नेपाली जनप्रगतिशील मञ्च कोरिया केन्द्रका महासचिव (निर्वाचित भएको १/ २ महिना मा नै राजीनामा दिएको) समेत भइसकेका प्रविण गिरी मनोनीत भएका हुन्।
गैर आवासीय नेपाली सङ्घ राष्ट्रिय समन्वय परिषद् दक्षिण कोरियाको कार्यसमितिको बैठकबाट पञ्जीकृत सदस्यहरूलाई संस्थाको विधान (२०२३ को संशोधन) को परिच्छेद ६ को १३.३. अनुरूप ९ कार्यसमितिको सदस्य पदमा मनोनित गरिएको हो।
साथै नवमनोननित सदस्य नवराज शिवाकोटीलाई एनआरएनए कोरियाको प्रवक्ताको रुपमा मनोनित समेत गरिएको छ।
