नेपकोर इन्टरटेन्मेन्ट को आयोजनामा छुसक को अवसरमा सेप्टेम्बर १५ तारिख आइतबार का दिन कोरियाको सउलमा चर्चित र्यापर लाउरे एण्ड ब्याड कम्पनीको साथमा हुने भनिएको नेपकोर नाइट स्थगन भएको छ । साथै Gmoney trans रेमिट्यान्सको माध्यमबाट अनलाइन टिकट लिनुहुनेहरुको पनि पैसा फिर्ता हुने भएको छ ।
कोरियामा रहेका युवा हरुलाई लक्षित गरेर विभिन्न कार्यक्रमहरु आयोजना गर्दै आइरहेको “नेपकोर इन्टरटेन्मेन्ट”ले यसपाली कोरियन पर्व छुसक को अबसरमा यूवा पुस्तामाझ चर्चित र्यापर आशिष राना AKA लाउरे एण्ड ब्याड कम्पनीको साथमा BANPO FOUNTAIN BRIDGE नजिकै नेपकोर नाइट गर्ने भनिएको थियो। तर भिसा जटिलताका कारण नेपालबाट आमन्त्रित कलाकार अर्थात् LAURE & BAD KOMPANY ले निर्धारित समय अनुसार NEPKOR NIGHT मा प्रस्तुति दिन नसक्ने जानकारी दिदैं कार्यक्रम स्थगन गरिएको आयोजकले एक सुचना निकाली जनाएको छ ।
आयोजकले सुचनामा यसबाट पर्न गको असुबिधा प्रती दक्षिण कोरियामा रहेका सम्पूर्ण दर्शक हरुमा माफि माग्दै नेपकोर नाइट कोरिया फेरी पछि लिएर आउने समेत जनाइएको छ ।
झण्डै ३० जना युवाहरु रहेको नेपकोर इन्टरटेन्मेन्टले युवा हरुको चाहना अनुसारका मनोरञ्जनका विभिन्न कार्यक्रम हरु साथ-साथै दक्षिण कोरिया लगायत नेपालमा विभिन्न सामाजिक कार्यहरु पनि गर्दै आइरहेको छन्।
